Доаѓаат деновите идеални за престој во „Осоговски конак“

Свежите утра и ветровитите денови ни навестуваат почеток на есенските патувања. Џемпер, греено вино, добра храна и чист воздух. Дефиниција за полнење батерии.

Тимот на Кајак.мк работи со полна пареа да ги додаде сите скромни сместувања кои се наоѓаат на нашите планини, се со цел да ви обезбеди уште една незаменлива зимска сезона. А кога сме веќе кај престојната есенска и зимска сезона сакаме да ве информираме дека ќе се задржиме на активниот туризам, здравиот начин на живеење, здравата храна и чиста еколошка средина.

Неодамна започнавме со организирање на тим-билдинг патувања за компаниите кои сакаат да засадат дрвца на одредени локации. Тоа значи дека Пониква ја додаваме на нашата мапа за садење, а кога сме веќе на Пониква, сакаме да ве запознаеме и со „Осоговски конак“. Веќе добро познат објект каде може да вкусите квалитетна домашна храна.

Прво нешто што ни паѓа на памет кога ќе го слушнеме зборот „конак“ е традиција и историја. Не грешиме во нашето мислење бидеќи овој објект со години наназад го чува и негува традиционалното.

Просториите на конакот се скоцкани со етно елементи, но и доволно модерни за сечии потреби. Она што можеби навистина освојува е погледот од прозорците на конакот. Замислете како го пиете вашето утринско кафе со прекрасен поглед. За правите гурмани, овде ќе најдете специјалитети од дивеч до домашни сирења, салата и ред други специјалитети кои се препознатливи за осоговскиот регион.

Доколку сакате повеќе информации од сместувањето, контакт број и фотографии, кликнете ОВДЕ.
Доколку сакате да ви организираме еко тим-билдинг на Пониква за вас и вашите колеги, пополнете го барањето со еден клик ОВДЕ.