Рајско сместување во Маврово со поглед кон милион зеленила

Во базата на Кајак.мк ја додаваме „Villa Paradise“ која ни нуди фантастичен поглед кон мавровската зелена оаза. Вилата е идеална за престој во текот на цела година. За вљубениците во природата и пролетта, оваа вила ви гарантира прекрасен поглед додека го пиете вашето утринско кафе. Вилата има капацитет за 8 лица, што значи дека е идеална за фамилијарни патувања или пак за друштвени истражувања на Маврово и околината.

Домаќините на сместувањето велат дека може да се организираат и џип-сафари тури, а исто така имаат и сопствени пчеларници од каде произведуваат сопствен мед и производи од мед. За заинтересираните гости може да се организираат посети на пчеларникот, каде покрај дегустација на мед може да се организира и традиционален ручек приготвен од страна на домаќините кој изобилува со пецива, крофни, леб, домашни колачи и колачи по желба на гостинот.

Исто така, како предлог од тимот се и туритe: Посета на пештерата Шаркова дупка, потопената црква Св. Никола, планинарење на околните врвови, како и посета на селото Галичник.

Повеќе информации, фотографии и контакт за резервација на вилата ќе најдете со еден клик ОВДЕ.