Соединетите американски држави денеска го прекинаа издавањето визи во сите земји низ светот, поради опасност од ширење на коронавирусот, соопшти Стејт департментот, пишува Канал5.

Колку што е можно, амбасадите и конзулатите ќе продолжат со издавање само итни визи“, соопшти Министерството за надворешни работи на САД на Твитер.

Еден ден порано, Стејт департментот ги заостри предупредувањата за патувања, повикувајќи ги граѓаните да не патуваат во странство заради ширењето на новиот коронавирус, а оние што веќе се во странство итно да се вратат назад .

Ова предупредување на Стејт департментот важи за сите земји во светот, мерка што досега никогаш не била спроведена.

САД ги покануваат своите државјани од земјите од кои сè уште постои можност за комерцијални летови итно да го организираат нивното враќање доколку не сакаат да останат таму на неодредено време.

САД имаат скоро 11.000 потврдени случаи на инфекција.

Извор: https://kanal5.com.mk/sad-poradi-koronavirusot-nema-vekje-da-izdava-vizi/a414114