Кампување на Куршевско Езеро во октомври!

Во Македонија може да направите навистина убави фотографии доколку ја сакате природата и знаете како да уживате. Доказ дека нештата кај нас не се претставени на вистински начин е младиот проект my_caping_adventures, кој во изминатиот период со преку својот комби-караван успеа да ја добрата страна на кампувањето. Тие беа во посета на беровскиот регион каде што се направени одлични фотографии. Во текот на месец октомври тие го посети и крушевското езеро, а фотографиите во продолжение говорат на тоа колку е убава есента во Крушево.
Ви го споделуваме интервјуто кое го направивме со нив. 

КАЈАК: Здраво дечки. За многу краток период направивте #бум во нашата држава со нешто што е навистина ново и специфично, а реално на странските пазари кошта многу.Од каде идејата за ваков проект?

Ви благодариме на убавото интро. Уште од пред неколку години почнавме со планинарење и кампување, претежно со шатор, но тоа не беше доволно па така се разви и нашата желба и идеја да направиме нешто со коешто можеме повеќе денови да поминеме во природа и притоа да се чувствуваме удобно, одморено и релаксирано. Како викаат, 'кампингот не е потрошено време, туку инвестирано'.

KAJAK: Како започна сето ова? Која беше главната причина да се решите за нешто кое не е баш секојдневно кај нас?

Главната причина да се одлучиме на ваков чекор е тоа што нема поубаво нешто да поминеш квалитетно време во природа, да посетиш различни места и да се оддалечиш од секојдневието, а со помош на нашето комбе тоа може да си го дозволиме и на повеќе денови. Една од поголемите предности е и тоа што си 'слободен' и не зависиш од тоа дали ќе најдеш смештај на некое прекрасно место. Едноставно ќе отпатуваш таму, се паркираш и го имаш погледот од милион долари бесплатно. А плус кафе и убав поглед одат заедно.

Така да се недевам со ова ќе ја подигнеме свеста кај младите дека освен 'дремење' на интернет и по цел ден пиење кафе по кафулиња, постојат навистина многу поубави работи кои треба да се видат, а за кои е штета ако не се доживеат. Излезете од вашата комфорна зона.

 ПС: Не фрлајте ѓубре насекаде!!!