06.08.2020

Во Македонија има хотел кој плени со охридска архитектура

Во Македонија има хотел кој плени со охридска архитектура

Хотелски комплекс „Десарет“ - Пештани, дело на архитект Пантелеј Митков. Еден од бисерите на македонската хотелска архитектура од XX век, граден од 1971 - 1973 г., отворен 1975 г., со дополнителен анекс од 1984 г.

Уникатниот комплекс е најспецифично проектно обликовно решение од доменот на хотелската архитектура во Охрид, а веројатно и во цела Македонија.

Умешно е направена извонредна реинтерпретација на охридската архитектура преку решавање на крововите на школски, традиционален начин, употреба на охридски кровен венец, и примена на олучеста (полукружна) ќерамида која е традиционално користена на овие простори со векови.


Тенденцијата да се истакнат традиционалните материјали е видливо со обемното користење на дрвото како материјал. Од него се изработени прозорските рамки и балконските огради, а намерно е видлива и потконструкцијата од стреите со цел да бидат видливи дрвените рогови, косници и опшивки. Освен тоа, доминантно видливи се и полутранспарентните дрвени брисолеи, какви што се и преградите помеѓу балконите. Дрвото е користено и во внатрешноста на објектот: за ѕидни облоги, спуштени плафони, огради и разни декорации.


Ваквото користење на елементи од традиционалната охридска архитектура е вешто искомбинирано со елементи на модернизмот како што се широките тераси, истурените и доминантни стреи, и големите фасадни отвори.

Композициски, хотелот е од павилјонски тип, а уште еден елемент присутен од модерната архитектура се неколкуте мостови (дел отворени, дел затворени ходници), со кои се меѓусебно поврзани павилјоните.


Главниот влез во хотелот е под еден таков затворен мост кој ги поврзува првиот дел од хотелот со анексот од 1984 г., и кој истовремено претставува широк наткриен трем под кој поминува автомобилскиот пристап до главниот влез. Ова е можеби мала симболична аналогија на улиците-темници од типот на „Коста Абраш“ во Охрид, кои поминуваат под првите катови на куќите.

Посебно впечатливи се и одвоените девет вили кои претставуваат целосна аналогија на охридската куќа, и кои на некој начин формираат „маало" на стрмен терен во рамки на хотелскиот двор. Ова „маало“ има тесни стрмни премини помеѓу куќите, дел од нив решени со скали, а местимично е користен и каменот како материјал. Ваквото решение е веродостојна реинтерпретација на охридските маала.


Особено внимание е посветено и на партерното уредување. Хотелските објекти се „насадени“ низ партерот, не ја нарушуваат неговата природна топографија, а нивните влезови се од неколку различни нивоа. Партерот е прошаран со скали и патеки под наклон, избегнувани се прави агли со цел движењето да биде поприродно. Ваквото органско решавање на партерот е аналогија на стариот град во Охрид, кој се развивал органски, но спонтано растејќи низ годините.


Со отворањето на хотелот во 1975 г., селото Пештани и дефинитивно се приклучува на мапата како еден од најпознатите езерски туристички центри во Македонија.

Се надевам дека нареден пат кога ќе го посетите, ќе обрнете внимание на горенаброените специфичности без да треба да имате формално архитектонско образование.

Бошко Видоески

#МакедонскаАрхитектура
#НаучиНештоПлусЗаМакедонија

Остави Коментар

Прочитајте повеќе

Изнајмете вила со приватен базен во Кучково преку Кајак.мк

Уште едно ново сместување со базен за оние кои сакаат да имаат апсолутна приватност!

Отворивме уште една прекрасна приватна локација на која може да организирате разни настани

Тимот на Кајак.мк денеска ве води во околината на Скопје, по самиот пат за Китка, над населбата Драчево, каде што се наоѓа уште едно иделано место за вашите прослави, тим-билдинг настани, бегство и уживање во природата со восихитувачки панорамски поглед.

Прекрасна оаза во Волково: Идеалното место за вашите прослави и тим билдинг настани

Во срцето на Волково, постои место каде што секој момент се претвора во незаборавно искуство.

Темелно нова вила со базен во Кучково ги отвора вратите за првите гости

Со капацитет до 300 гости, оваа локација е перфектна за големи настани, свадби, родендени, или тим-билдинг активности. Прифаќањето на домашни миленици ве охрабрува да ги донесете вашите пријатели и да го направите вашето искуство уште поспецијално.

Вила на Скопска Црна Гора идеална за мирен и спокоен престој

За вашите странски гости, за вашите бизнис и деловни парнери кои ќе дојдат во посета на Скопје, тимот на Кајак.мк ве советува да им овозможите престој во оваа прекрасна нова и уникатна вила на Скопска Црна Гора каде времето е застанато и каде природата е прекрасна.

Вила на Попова Шапка со уникатен ентериер и камин

Во вилата, секоја соба е дизајнирана за ваша удобност, обезбедувајќи пријатен и топол амбиент.